Showing 36736 results

Tá roinnt póstaer sa chomhad seo lena n-áirítear póstaeir do Sheachtain na Gaeilge. Cuimsíonn sé freisin an póstaer "Courts in Contempt of Constitution"[Cúirteanna i nDíspeagadh an Bhunreachta]- féach G60/29/27/4 le haghaidh cás Thomáis Uí Mhonacháin, ar cruthaíodh an póstaer seo ar a shon.

Cuimsítear leis an ábhar san fhoshraith seo polasaithe éagsúla na heagraíochta amhail polasaithe óige, polasaithe bolscaireachta agus polasaithe foriomlána na heagraíochta (G60/1/3/1), polasaithe a bhaineann le heagraíochtaí eile (G60/1/3/2), ábhar a bhaineann le forbairt 6 Sráid Fhearchair, agus dearadh lógó nua (G60/1/3/3), ábhar a bhaineann le tosaíochtaí an Chonartha agus plean don Ghaeilge (G60/1/3/4) chomh maith le hábhar a bhaineann leis an gcóras vótála don Ard-Fheis (G60/1/3/5).

Is éard atá san ábhar san fhoshraith seo comhfhreagras, gearrthóga preasa, tuarascálacha agus dréachtaí a bhaineann le polasaithe agus pleananna gníomhaíochta Chonradh na Gaeilge maidir le hoideachas agus tá sé in ord croineolaíoch.

Is éard atá san fhoshraith seo ábhar lena n-áirítear comhfhreagras, leabhráin, preaseisiúintí agus gearrthóga a bhaineann le polasaithe Chonradh na Gaeilge agus an Rialtais don cheantar Gaeltachta, agus tá sé curtha in eagar go croineolaíoch. I measc na n-ábhar tá suirbhéanna, mapa Chois Fharraige, bileoga feachtais "Údarás Gaeltachta de dhíth anois", agus ábhar a bhaineann le toghchán Údarás na Gaeltachta, 1984.
Chun ábhar gaolmhar a fheiceáil, féach G60/32/5

Baineann an t-ábhar sa chomhad seo leis an Acht um Théarmaí Fostaíochta, agus ina measc tá páipéir a bhaineann le fostaíocht in earnáil na Gaeilge agus Acht Dífhostaíocht na hEorpa.

Baineann ábhar sa chomhad seo le poiblíocht imeachtaí sa chlub agus tá nuachtlitreacha, cláir, fógráin agus grianghraif ann.

Is éard atá san ábhar sna chéad ocht gcomhad den fhoshraith seo pleananna oibre agus pleananna straitéiseacha éagsúla don eagraíocht agus don Ghaeilge araon. Tá an t-ábhar in ord croineolaíoch ó 1942 go 2009 agus cuimsíonn sé dréachtaí, tuairiscí, gearrthóga, preaseisiúintí agus comhfhreagras. Tá ábhar a bhaineann le scéim comhoibrithe (1986-1989) sna trí chomhad deiridh san fhoshraith seo agus áirítear iontu CVanna agus iarratais.

Is éard atá san ábhar san fho-fhoshraith seo pleananna seachtainiúla, agus pleananna gníomhaíochta don eagraíocht.

San áireamh leis an gcomhad seo tá tuairiscí dheireadh bliana, miontuairiscí agus plean margaíochta do 2003.

Baineann an tsraith seo le Conradh na Gaeilge (CnaG) féin, lena struchtúr, a bhunreacht, a pholasaithe agus pleananna oibre, agus cuimsítear léi tuarascálacha bliantúla, ábhar a bhaineann leis na foirgnimh éagsúla in úinéireacht CnaG agus ábhar a bhaineann leis “An Fáinne”, ar clár teastasaithe a reáchtáil CnaG é.