Showing 36517 results

Is éard atá sa chomhad seo fótachóipeanna de rogha paimfléad a d’eisigh Conradh na Gaeilge ar phingin amháin. Ina measc tá "Bunreacht Chonradh na Gaeilge"; "Conradh na Gaeilge agus an Eagraíocht"; "Féidearthachtaí Stair na hÉireann"; Paimfléid Chonradh na Gaeilge 12-20 ("An Ghaeilge agus Oideachas Idirmheánach na hÉireann"); "Teagasc Dátheangach i Scoileanna Náisiúnta - na Duaischláir" agus "Náisiúnú Oideachas na hÉireann".

Is éard atá san fhoshraith seo paimfléid, leabhráin, cártaí poist agus bileoigíní a bhaineann le roinnt mionteangacha agus teangacha réigiúnacha, lena n-áirítear Bascais, Briotáinis, Gaeilge na hAlban agus Breatnais.

Is éard atá san fhoshraith seo rogha paimfléad, póstaer agus bileoigíní chun Conradh na Gaeilge agus an Ghaeilge a chur chun cinn.

Baineann an tsraith seo le páipéir Ghiolla Chríost Uí Bhroin. Christopher a tugadh air nuair a rugadh é, ach thug sé an t-ainm Giolla Chríost air féin nuair a chuaigh sé isteach i gConradh na Gaeilge in 1893/94. Fuair sé post le CnaG in 1908 mar eagraí don Mhí, an Iarmhí, an Cabhán agus Longfort; bhí sé páirteach i gcomórtais amhránaíochta, damhsa agus drámaíochta an Oireachtais agus d’eagraigh sé go leor féilte agus ceolchoirmeacha. Bhí sé ina rúnaí ar Choiste Ceantair Bhaile Átha Cliath an Chonartha sna 1920í, ina mhúinteoir san Ard-Chraobh ó na 1920í go dtí na 1950í agus ina uachtarán ar an Oireachtas in 1958. Stóráladh a chuid páipéar i gcás leathair a raibh ceannlitreacha a ainm greanta air agus is é a bhí ann go príomha ná lámhscríbhinní agus scríbhinní clóscríofa, a n-áirítear leis roinnt dá chuid drámaí féin mar aon le nodaireacht cheoil.

Is éard atá san fhoshraith seo ábhar a bhailigh MÓC a bhaineann le hoideachas agus leis an nGaeilge agus tá sé in ord croineolaíoch nuair ab fhéidir. Tá nótaí ann ó MÓC freisin maidir leis an ábhar a chuir sé san áireamh agus é á sheoladh chuig coimeádaí Chonradh na Gaeilge Cuan Ó Seireadáin in 2018, lena gcur san áireamh sa chartlann.

Tá cúig chomhad san fho-fhoshraith seo ina bhfuil comhfhreagras, ábhar poiblíochta, cáipéisí polasaí Gaeilge agus gearrthóga agus tá siad in ord croineolaíoch.

Is éard atá sa chomhad seo ábhar ó na 1960idí a bhaineann le polasaithe Gaeilge pháirtí an Lucht Oibre, agus úsáid na Gaeilge in ábhar poiblíochta toghcháin.

Is éard atá sa chomhad seo ábhar ó na 1970idí a bhaineann le polasaithe Gaeilge pháirtí an Lucht Oibre, agus úsáid na Gaeilge in ábhar poiblíochta toghcháin. Áirítear ann an plépháipéar "Education at first level - a policy for our children's future".

Is éard atá sa chomhad seo ábhar ó na 1980idí a bhaineann le polasaithe Gaeilge pháirtí an Lucht Oibre, agus úsáid na Gaeilge in ábhar poiblíochta toghcháin. Áirítear ann cláir thoghcháin 1981 agus 1982; moltaí pháirtí an Lucht Oibre 1989 ina bhfuil nóta le “Gaeilge – tada” scríofa air.

Is éard atá sa chomhad seo ábhar ó na 1990idí a bhaineann le polasaithe Gaeilge pháirtí an Lucht Oibre, agus úsáid na Gaeilge in ábhar poiblíochta toghcháin. Áirítear ann an leabhrán "Towards 1992" agus teachtaireacht speisialta do vótálaithe i ndáilcheantar Dhún Laoghaire ó Niamh Breathnach.