Showing 48067 results

Baineann an t-ábhar sa chomhad seo le comhchlár d’eagraíochtaí maidir le húsáid na Gaeilge, lena n-áirítear an Ghaeilge a úsáid i gcúrsaí fógraíochta agus i dtaispeántais. Bhí an Ghaeilge san oideachas agus an Ghaeilge san Eaglais mar chuid den fheachtas freisin.

Baineann an fhoshraith seo le feachtas Chonradh na Gaeilge a chur ina luí ar an Rialtas líon na scoileanna lán-Ghaeilge sa tír a mhéadú, agus áirítear leis achainíocha, comhfhreagras agus gearrtháin.

Baineann an t-ábhar san fhoshraith seo le stádas na Gaeilge san Eoraip agus leis an bhfeachtas chun teanga oifigiúil a dhéanamh aisti san Eoraip. Is éard atá ann ná comhfhreagras, preasráitis, paimfléid, tuairiscí, gearrtháin, bileoigíní agus póstaeir.

Baineann an t-ábhar atá san fhoshraith seo le feachtas ceadúnais teilifíse Chonradh na Gaeilge, áit ar dhiúltaigh daoine sa phobal íoc mar gheall ar an easpa clár Gaeilge a bhí ar fáil ar RTÉ, agus ar an iliomad cásanna cúirte a tháinig as. Cuimsíonn sé preasráitis, comhfhreagras, grianghraif, bileoigíní agus gearrtháin.

Baineann ábhar sa chomhad seo le feachtais bailithe airgid Chonradh na Gaeilge lena n-áirítear bailiúcháin Náisiúnta, agus is éard atá ann go príomha comhfhreagras, preasráitis agus bileoigíní eolais.

Baineann an t-ábhar san fhoshraith seo le meoin polaiteoirí i leith na Gaeilge, a ngealltanais toghchánaíochta maidir le tacaíocht a thabhairt di, agus an iarracht a chur ina luí ar na toghthóirí iad seo a chur san áireamh agus iad ag vótáil. Clúdaíonn sé roinnt toghchán agus áirítear ann miontuairiscí, comhfhreagras, preasráitis, ceistneoirí, gearrtháin agus bileoigíní.

Is éard atá san ábhar sa chomhad seo comhfhreagras, nuachtlitreacha, gearrthóga, cártaí ballraíochta agus fógráin a bhaineann le “Feachtas”, óg-ghluaiseacht na Gaeilge.

Baineann an t-ábhar san fhoshraith seo le feachtais taobh amuigh de Chonradh na Gaeilge ach ina raibh leas ag an gConradh lena n-áirítear Gluaiseacht Frith-Apartheid na hÉireann, Feachtas na hÉireann maidir le Dí-armáil Núicléach, Amnesty, ICRA [Cumann Cearta na hÉireann], ISM (Cumann Flaitheasa na hÉireann) agus IIPM [Gluaiseacht Idirnáisiúnta Síochána na hÉireann]. Ann freisin tá bileog in aghaidh chogadh Vietnam (1972), bileog Trócaire as Gaeilge, agus póstaer Gaeilge Unicef a mhol go gcaithfí níos lú caiteachas míleata i bhfabhar cúnamh carthanais.

Baineann an tsraith seo le feachtais éagsúla Chonradh na Gaeilge (CnaG). I measc na bhfeachtas sin, áiríodh na cinn seo a leanas: an Feachtas Cearta [sibhialta/teanga]; an Feachtas chun teanga oifigiúil a dhéanamh den Ghaeilge san Eoraip; an Feachtas Oideachais; an Feachtas um Cheannach Earraí Éireannacha; Feachtas Chearta na bPríosúnach; an Feachtas na Meán Cumarsáide/Craoltóireachta; Feachtas an Cheadúnais Teilifíse; an Feachtas Earcaíochta agus an Feachtas Bailiú Airgid. Baineann an tsraith chomh maith le roinnt cásanna dlí a d’eascair as na feachtais sin, nó a bhí ina n-údar dóibh. Anuas air sin, baineann cuid den ábhar le feachtais a raibh spéis ag CnaG iontu ach nach í an eagraíocht a bhí ina mbun, cosúil le Feachtas na hÉireann um Dhí-Armáil Núicléach, Gluaiseacht Frith-Apartheid na hÉireann agus Gluaiseacht Idirnáisiúnta na hÉireann um Shíocháin. Comhfhreagras, gearrthóga agus preasráitis is mó atá i gceist leis an ábhar.

Baineann an t-ábhar sa chomhad seo leis an taighde a rinneadh don paimfléad seo, agus dá fhoilsiú.