Showing 36736 results

Baineann an tsraith seo le ceol, amhrán agus rince agus le Comhaltas Ceoltóirí Éireann (CCÉ) go háirithe. Áirítear leis an ábhar bileoga ceoil ginearálta; bileoga ceoil an Oireachtais; cláir; grianghraif; póstaeir; gearrthóga agus comhfhreagras. Áirítear leis na bileoga ceoil "Go Mairidh Ár nGaedhilg Slán", a scríobhadh agus a cumadh go sainiúil don chéad Oireachtas i mBaile Átha Cliath in 1897.

Baineann ábhar san fho-fhoshraith seo le cur chun cinn na heagraíochta agus tá pacáistí eolais, grianghraif, comhfhreagras a bhaineann le dearadh lógó, gearrthóga nuachtáin agus nuachtlitreacha le fáil ann.

Is éard atá san fho-fhoshraith seo ábhar bolscaireachta d’imeachtaí éagsúla chomh maith le dréachtaí de “Nasc” (nuachtlitir na heagraíochta), gearrthóga agus pleananna forbartha.

Bileoigíní agus ábhar gearrshaolach eile do chúrsaí Chonradh na Gaeilge agus do chúrsaí eile atá sa chomhad seo, agus áirítear leis bileoigín “Limerick Do Your Duty to the Language”, gan dáta.

Tá dhá phóstaer sa chomhad seo a bhaineann leis an bhfeachtas in aghaidh an bhruscair de chuid na Roinne Comhshaoil; sraith greamaitheoirí Chonradh na Gaeilge; agus féilire dar teideal "Inis Fáil: Oileán na Sleibhte Maorga agus na n-ainmneacha áille" 1995.

Tá ábhar gearrshaolach san fhoshraith seo a úsáideadh chun Conradh na Gaeilge agus an Ghaeilge a chur chun cinn agus tá greamáin (G60/7/9/1), suaitheantais (G60/7/9/2), pinn (G60/7/9/3), balúin (G60/7/9/4), agus banda cinn éadaigh ann (G60/7/9/5).

Ábhar gearrshaolach atá san fhoshraith seo a bhaineann le feachtas bliantúil Sheachtain na Gaeilge agus san áireamh inti tá bileoigíní, póstaeir, greamáin agus pacáistí preasa.

Is é atá i gceist leis an bhfoshraith seo ábhar gearrshaolach a bhaineann leis an Oireachtas, lena n-áirítear ticéid, greamáin, bileoigíní, póstaeir, boinn comórtais agus páipéar ceannteidil folamh.

Ábhar léachtaí agus lámhscríbhinní atá san fhoshraith seo agus áirítear léi aistí leis an Athair Pádraig de Búrca (G60/44/3/1) agus cóip lámscríofa de “Séadna”, arna scríobh ag an Ath. Peadar Ó Laoghaire [Ua Laoghaire], arb í a pheannaireacht féin atá ann agus a bhfuil roinnt ceartúchán ann (G60/44/3/2).

Is éard atá sa chomhad seo ábhar a bhaineann le hábhar léitheoireachta do leanaí lena n-áirítear dhá ghearrscéal, cáipéisí ó Chomhdháil Náisiúnta na Gaeilge a bhaineann le seirbhísí do thuismitheoirí agus don óige, agus miontuairiscí ón gCoiste um Straitéis Timireachta 1999-2001.