Showing 36741 results

Tá an fhoshraith seo roinnte arís ina sé fho-fhoshraith, is iad sin Londain, an chuid eile den Ríocht Aontaithe, Mór-roinn na hEorpa, Meiriceá Thuaidh, Meiriceá Theas agus an Astráil agus tá sí curtha in ord de réir méide. Is é atá san ábhar miontuairiscí, comhfhreagras, cuntais, ballraíocht, ciorcláin, tuarascálacha bliantúla, póstaeir, bileoigíní, cláir, grianghraif agus tinreamh coistí a bhaineann le craobhacha aonair.

San áireamh leis an ábhar tá grianghraf dubh agus bán dar teideal "Slua de Chonraitheoirí i Londain ag Seilg", 1910 (G60/4/4/1/2); páipéar ballóide do thoghchán coiste in 1915 a bhfuil ainm Mhíchíl Uí Choileáin air (G60/4/4/1/3); litir ó Bhreandán Ó Beacháin maidir le léiriú de "The Quare Fellow" a cuireadh ar an stáitse sa Stratford Theatre Royal, Meitheamh 1956 (G60/4/4/1/12); comhaontú dlíthiúil idir Conradh na Gaeilge in Éirinn agus in California, 1909 (G60/4/4/4/4); agus litreacha ó chraobh CnaG sa Bholaiv (21/6/1910, 17/01/1911) agus in Buenos Aires (17/12/1915) a bhaineann le dréachtaí do shíntiúis (G60/4/4/6)

Baineann an tsraith seo le hobair na nDála Cúige, na gCoistí Ceantair agus na gcraobhacha, agus áirítear léi foirmeacha clárúcháin, miontuairiscí, cártaí ballraíochta agus comhfhreagras. Liostaítear na Comhairlí Ceantair agus na craobhacha de réir cúige. Tá rannán breise i bhfoshraith na gCraobhacha a bhaineann le craobhacha lasmuigh d’Éirinn. Áirítear leis an ábhar míreanna faoi leith a bhain le craobh Londan de Chonradh na Gaeilge a cuireadh ar ais chuig an bpríomhoifig mar bhailiúchán; ábhar a bhaineann leis an Ard-Chraobh; Craobh an Chéitinnigh; Craobh na gCúig gCúigí agus Craobh Móibhí.

Baineann an fhoshraith seo, atá in ord croineolaíoch, le craolachán in Éirinn go ginearálta agus san áireamh inti tá comhfhreagras, ailt, fógráin, tuairiscí agus miontuairiscí. Áirítear léi miontuairiscí an choiste "Citizens for Better Broadcasting” [G60/36/1/1]; ábhar a bhaineann leis na hAchtanna Craolacháin agus Raidió-Theileagrafaíochta, 1926-1989 [G60/36/1/2]; aighneacht ó CnaG i ndáil leis an bPáipéar Glas Craolacháin, 1995 agus ábhar a bhaineann le moltaí an Rialtais maidir le reachtaíocht Chraolacháin [G60/36/1/3].

Is éard atá sa chomhad seo gearrtháin a bhaineann le reiligiún i dTuaisceart Éireann.

Is éard atá sa chomhad seo gearrtháin a bhaineann leis an CEE agus an cruinniú mullaigh Dhún Éideann.

Baineann ábhar sa chomhad seo le cuairt an Phápa Eoin Pól II ar Éirinn in 1979, agus cuimsítear ann preaseisiúintí, comhfhreagras, gearrthóga, miontuairiscí agus tuairiscí. Cuimsíonn sé plé a bhí ag baill Chonradh na Gaeilge maidir le baghcat a dhéanamh ar an ócáid mar gur tugadh beannacht an Phápa roimhe sin chun ionradh a dhéanamh ar Éirinn (an Pápa Adrian IV, 1155), agóidí i gcoinne an Aifrinn a bheith i mBéarla, agus comhfhreagras ó Chomhaltas Uladh a bhí míshásta leis an seasamh a ghlac Conradh na Gaeilge.

Baineann an tsraith seo go príomha le cumarsáid idir CnaG agus cuideachtaí agus comhlachtaí príobháideacha éagsúla maidir leis an úsáid a bhaineann siad as an nGaeilge i gcaidreamh laethúil leis an bpobal i gcoitinne agus i bhfógráin á gcur féin chun cinn. Déantar é a fhoroinnt tuilleadh i gcás cuideachtaí agus is comhfhreagras agus samplaí is mó atá ann.

Nótaí taighde atá san fhoshraith seo a bhaineann le Conradh na Gaeilge i gCúige Uladh.

Is cosúil go mbaineann an t-ábhar seo le coiste ar ar tugadh “Cur Chun Chinn” ar dtús agus ar ar tugadh “Cumann Comhpháirteach de Chonradh na Gaeilge” ansin (1990-1993). Níl sé soiléir céard leis a bhaineann sé seo go sonrach.

Baineann an t-ábhar atá san fhoshraith seo leis an Cumann Lúthchleas Gael (CLG) agus tá 7 gcomhad ann. Is éard atá i gcomhaid 1-5 comhfhreagras, bileoigíní, cláir agus ábhar eile lena n-áirítear bileoigín Chiarraí v Londain, 1928 [G60/20/1/1]; ábhar a bhaineann le comóradh céad bliain CLG in 1984 [G60/20/1/3] agus ábhar a bhaineann le stair Chumann Báire Camógaíochta agus Iománaíochta Setanta (le grianghraf (cóip) den chéad fhoireann camógaíochta seans, an Uaimh 1904) [G60/20/1/4]. Gearrthóga atá in G60/20/1/6 agus cuimsíonn G60/20/1/7 póstaeir CLG do chluichí club [1955? – 1969?].