Showing 48024 results

Baineann an comhad seo le coiste de chuid Chomhdháil Náisiúnta na Gaeilge (i.e. gan aon bhaint aige le Conradh na Gaeilge) agus tá ann comhfhreagras, miontuairiscí, preasráitis agus gearrthóga preasa a bhaineann lena gcuid oibre.

San fhoshraith seo tá miontuairiscí, comhfhreagras (lena n-áirítear comhfhreagras le seanadóirí agus le Teachtaí Dála), dréachtaí, bileoigíní, agus gearrthóga a bhain le géarchéim na Gaeilge lena n-áirítear dréachtnótaí le haghaidh fhoilsiú agus scaipeadh an chiorcláin “Géarchéim na Gaeilge”, mí an Mhárta 1983.

Féach freisin G60/3/15 and G60/29

Is é atá i gceist leis an bhfoshraith seo miontuairiscí, ceapacháin, tuairiscí agus comhfhreagras a bhaineann le Coiste an Oireachtais agus tá ord croineolaíoch uirthi.
San áireamh leis an ábhar tá siollabais na gcomórtas (G60/14/1/1); dearbháin iarnróid agus comhfhreagras a bhaineann le margadh speisialta dóibh siúd a bhí ag freastal ar an Oireachtas (G60/14/1/2); conarthaí idir Conradh na Gaeilge agus an Coiste (G60/14/1/3) agus comhfhreagras le coiste Eisteddfod [féile chultúrtha sa Bhreatain Bheag] (G60/14/1/7).

Baineann an t-ábhar sa chomhad seo le “Éigse Sgoil Chúil Aodha”, “Feis Átha Cliath” agus “Comoradh 50 bliain an Chonartha”.

Litir ó Dáithí Ó hÓgáin maidir leis an gComhairle Ealaíon agus an chaoi a gcaitear leis na hEalaíona Traidisiúnta, 1/2/2004

Baineann an fhoshraith seo le coistí go leor a bunaíodh le cúram a dhéanamh de na foirgnimh in úinéireacht Chonradh na Gaeilge agus tá inti miontuairiscí, cuntais, tuarascálacha agus pleananna le haghaidh athchóiriú agus athleagan amach a dhéanamh ar chuid de na foirgnimh sin.

Baineann G60/3/33/1 agus G60/3/33/2 leis an gcoiste a bhí freagrach as cothabháil 19 Plás Íle, Baile Átha Cliath agus as an gcíos a bhailliú; baineann G60/3/33/3 agus G60/3/33/5 le 6 Sráid Fhearchair, Baile Átha Cliath agus clúdaítear iontu na tréimhsí 1968-1979 agus 2001-2002 faoi seach. Baineann G60/3/33/4 le hobair Ghasra na nÁras agus áirítear leis foirgnimh ar bhain craobhacha go leor de chuid Chonradh na Gaeilge úsáid astu. Áirítear leis seo Teach Rothe, Cill Chainnigh; Halla Liam Bulfin, Ráth Maonais, Baile Átha Cliath; Áras Phádraig, Inse Chór, Baile Átha Cliath; Halla an Banban, Contae na Mí; Áras na nGael, Cathair na Gaillimhe; Áras Íde, Cathair Luimnigh; Áras An Craobhín Aoibhinn, Paráid na Díge, Corcaigh agus Sráid Liam, An Lorgain, Co. Ard Mhacha.

Féach freisin G60/1/5

Is éard atá sa chomhad seo miontuairiscí, cláir oibre, comhfhreagras agus ábhar eile a bhaineann le coistí réigiúnacha agus náisiúnta Ógras agus tá sé in ord croineolaíoch.

Baineann an tsraith seo le hobair coistí agus fochoistí éagsúla Chonradh na Gaeilge a n-áirítear leis sin an Coiste Gnó; an Coiste Airgeadais [ar tugadh an Buanchoiste air chomh maith]; Coiste na bPáistí; Coiste na Féile; an Coiste Um Bhailiú Airgid; an Fochoiste Oideachais; an Fochoiste Gaeltachta; an Fochoiste Oiliúna agus na Fochoistí Craolacháin agus Meán. Miontuairiscí agus comhfhreagras is mó atá inti.

Sa chomhad seo tá comhfhreagras a bhaineann leis na coistí áitiúla agus onóra i mí na Samhna 1978.

Nótaí taighde atá sa chomhad seo agus eagar curtha ag Ó Súilleabháin orthu faoi na teidil seo: "Coiste Chontae Chiarraí 1915 go 26/10/20"; "Coistí Ceantair"; "Coiste Ceantair - Maigh Chromtha, Dhún Méanmhara, Laoi"; "Nótaí 1901 - CnaG Sráid Fhearchair" lena n-áirítear leabhar nótaí a bhfuil an lipéad "Coiste Chontae Chiarraí 1921-39” air; "Eolas ó Leabhar an Sláid (1900-1901)".