Baineann an tsraith seo le hArd Fheis Chonradh na Gaeilge agus áirítear léi cláir, miontuairiscí; cuntais agus tuairiscí; comhfhreagras; aithisc thosaigh agus grianghraif.

[Ar an litriú eile ar Ard Fheis sna taifid seo tá Árd Fheis, agus Ard-Fheis. Is é an t-iolra den ainm a úsáidtear, i nGaeilge agus i Béarla, ná Ard Fheiseanna.]

Baineann an tsraith seo le réigiúin in Éirinn ina labhraítear Gaeilge den chuid is mó ar a dtugtar an Ghaeltacht agus a bpobail agus áirítear inti ábhair a bhaineann le polasaithe CnaG agus eile; an Coimisiún Gaeltachta; Údarás na Gaeltachta (gníomhaireacht stáit); Muintir na Gaeltachta (eagraíocht); agus “tionól” (cruinnithe bliantúla). Cuimsíonn na comhaid tuairiscí; suirbhéanna; miontuairiscí; comhfhreagras; gearrthóga; grianghraif agus preasráitis.

Baineann an t-ábhar san fhoshraith seo le hobair an choiste Feidhmiúcháin agus tá siad roinnte ina gcúig fhoshraith eile mar atá Miontuairiscí (G60/3/1/1); Tinreamh (G60/3/1/2); Riarachán (G60/3/1/3); Baill Choistí (G60/3/1/4) agus Preas agus Nuachtlitreacha (G60/3/1/5).

Baineann ábhar san fho-fhoshraith seo le cur chun cinn na heagraíochta agus tá pacáistí eolais, grianghraif, comhfhreagras a bhaineann le dearadh lógó, gearrthóga nuachtáin agus nuachtlitreacha le fáil ann.

Tag / Ref: G60/15/2/1