San fhoshraith seo, tá nótaí taighde, comhfhreagras, grianghraif, gearrthóga nuachtáin agus ábhar eile a bhaineann le stair agus le hobair Chonradh na Gaeilge i Londain a cuireadh i dtoll a chéile do leabhar Uí Shúilleabháin, "Conradh na Gaeilge i Londain 1894 – 1917” a foilsíodh in 1989.

(Chaith Ó Súilleabháin roinnt blianta i Londain sna 1930í agus 1940í agus bhí sé ina bhall d’Ard-Choiste Chonradh na Gaeilge i Londain. Tá a chead taistil ar fáil in G60/24/11/3).

Is éard atá san fhoshraith seo ábhar a bhaineann le hoideachas Bunscoile lena n-áirítear Gaelscoileanna (scoileanna a mhúineann trí Ghaeilge). Tá an fho-fhoshraith G60/30/7/1 ann ina bhfuil miontuairiscí, comhfhreagras agus ábhar eile a bhaineann leis an eagraíocht “Gaelscoileanna” a dhéanann ionadaíocht ar na scoileanna Gaeilge seo agus an fho-fhoshraith G60/30/7/2 a bhaineann le hachomhairc náisiúnta ar mhaoiniú agus aitheantas do Ghaelscoileanna agus ba chomhfheachtas é de chuid Chonradh na Gaeilge agus “Gaelscoileanna”. Cuimsíonn sé freisin comhfhreagras leis an Aire Oideachais, Niamh Breathnach.

Baineann an tsraith seo le páipéir Ghiolla Chríost Uí Bhroin. Christopher a tugadh air nuair a rugadh é, ach thug sé an t-ainm Giolla Chríost air féin nuair a chuaigh sé isteach i gConradh na Gaeilge in 1893/94. Fuair sé post le CnaG in 1908 mar eagraí don Mhí, an Iarmhí, an Cabhán agus Longfort; bhí sé páirteach i gcomórtais amhránaíochta, damhsa agus drámaíochta an Oireachtais agus d’eagraigh sé go leor féilte agus ceolchoirmeacha. Bhí sé ina rúnaí ar Choiste Ceantair Bhaile Átha Cliath an Chonartha sna 1920í, ina mhúinteoir san Ard-Chraobh ó na 1920í go dtí na 1950í agus ina uachtarán ar an Oireachtas in 1958. Stóráladh a chuid páipéar i gcás leathair a raibh ceannlitreacha a ainm greanta air agus is é a bhí ann go príomha ná lámhscríbhinní agus scríbhinní clóscríofa, a n-áirítear leis roinnt dá chuid drámaí féin mar aon le nodaireacht cheoil.

Tag / Ref: G60/17/2/1

Baineann an tsraith seo le Conradh na Gaeilge (CnaG) féin, lena struchtúr, a bhunreacht, a pholasaithe agus pleananna oibre, agus cuimsítear léi tuarascálacha bliantúla, ábhar a bhaineann leis na foirgnimh éagsúla in úinéireacht CnaG agus ábhar a bhaineann leis “An Fáinne”, ar clár teastasaithe a reáchtáil CnaG é.

Baineann ábhar sa chomhad seo le poiblíocht imeachtaí sa chlub agus tá nuachtlitreacha, cláir, fógráin agus grianghraif ann.

Is éard atá san fhoshraith seo ábhar lena n-áirítear comhfhreagras, leabhráin, preaseisiúintí agus gearrthóga a bhaineann le polasaithe Chonradh na Gaeilge agus an Rialtais don cheantar Gaeltachta, agus tá sé curtha in eagar go croineolaíoch. I measc na n-ábhar tá suirbhéanna, mapa Chois Fharraige, bileoga feachtais "Údarás Gaeltachta de dhíth anois", agus ábhar a bhaineann le toghchán Údarás na Gaeltachta, 1984.
Chun ábhar gaolmhar a fheiceáil, féach G60/32/5

Tá an fhoshraith seo roinnte arís ina dtrí fho-fhoshraith; Preasráitis [G60/15/6/1], Gearrthóga [G60/6/2] agus Grianghraif [G60/6/3], agus ord croineolaíoch orthu ar fad.

Baineann an tsraith seo le riaradh na heagraíochta agus áirítear léi sonraisc agus fáltais, curricula vitae comhaltaí foirne; iarratais poist agus oiliúint foirne; doiciméid árachais; ceadúnais; agus ábhar a bhaineann le hoibleagáidí an fhostóra. Tá roinnt ábhar dúnta chun cloí le GDPR agus le rialacháin eile.

Rogha grianghraf ón Oireachtas ina bhfuil roinnt le Lil Nic Dhonnchadha, Seán T Ó Ceallaigh, Éamon de Valera, Dubhghlas de hÍde, agus Seán Ó Riada (ag caint le Máire Breathnach agus le Mrs Jim Ryan ag fáiltiú an Oireachtais). Ann freisin tá grianghraf de Fhleadh na Leanbh 1909; Pádraig Ó Dálaigh (duaiseoir Oireachtais 1901); TD??? Thuaisceart Éireann (Eddie MacAteer b’fhéidir) ag tabhairt síniúchán ag an Oireachtas gan dáta; sna 40idí den chuid is mó.