Is éard atá i gceist leis an bhfoshraith seo ná gearrthóga nuachtáin a bhaineann le Teangacha Idirnáisiúnta, Réigiúnacha agus Mionteangacha, agus le hEagraíochtaí Teanga, agus tá ord curtha uirthi de réir gach deich mbliana. Laistigh de gach deich mbliana, tá ord croineolaíoch ar na gearrthóga de réir bliana ach amháin sa chás go raibh eagar orthu cheana féin, agus sa chás sin d’fhéadfaí roinnt blianta a bheith grúpáilte le chéile. Déileálann roinnt gearrthóg le topaicí atá lasmuigh de scóip na sraithe seo ach coinníodh leis an gcuid eile iad ar mhaithe leis an eagar reatha a choinneáil.

Baineann ábhar san fho-fhoshraith seo le foirgnimh Chonradh na Gaeilge i gCúige Mumhan lena n-áirítear Áras Íde, Luimneach; Dún Mhuire, an tAonach, Co. Thiobraid Árann agus roinnt foirgneamh i gcathair Chorcaí.

Baineann ábhar sa chomhad seo le foirgnimh eile i gCúige Laighean a d’úsáid Conradh na Gaeilge lena n-áirítear foirgneamh i nDún Dealgan, Co. Lú; Teach an Rútaigh, Cill Chainnigh; “Halla na BanBan”, an Uaimh, Co. na Mí agus naíonra i mBré, Co. Chill Mhantáin.

Baineann ábhar san fhoshraith seo le foirgnimh a cheannaigh nó a bhí ar léas ag Conradh na Gaeilge, an chothabháil agus an fhorbairt a bhain leo agus an t-ioncam a gineadh dá mbarr. Baineann G60/1/5/1 le hUimhir 6 Sráid Fhearchair; baineann G60/1/5/2 le foirgnimh eile i mBaile Átha Cliath; baineann G60/1/5/3 le foirgnimh eile i gCúige Laighean; baineann G60/1/5/4 le foirgnimh i gCúige Chonnacht; baineann G60/1/5/5 le foirgnimh i gCúige Uladh; baineann G60/1/5/6 le foirgnimh i gCúige Mumhan agus baineann G60/1/5/7 le foirgneamh Chonradh na Gaeilge i Londain. Cuimsíonn ábhar in G60/1/5/8 liostaí go leor de na foirgnimh atá ag an gConradh mar aon le cáipéisí a bhaineann leis an ioncam agus an caiteachas a bhain leo. Tá an t-ábhar san fho-fhoshraith agus sna comhaid seo in ord croineolaíoch.

Baineann ábhar san fhoshraith seo le baill foirne Chonradh na Gaeilge agus tá iarratais ar phoist, CVanna, agus taifid fostaithe aonair ann. Seachas cuid de na comhaid dheireanacha seo ina bhfuil eolas ginearálta, ciorcláin foirne agus iarratais fholmha ar phoist, tá an fhoshraith seo dúnta chun cloí le GDPR.

Baineann an tsraith seo le foilsitheoireacht Chonradh na Gaeilge den chuid is mó, a bhfuil san áireamh léi ábhar a bhaineann le Clodhanna Teoranta; An Cló-Chumann; An Siopa Leabhar [siopa leabhar CnaG] mar aon le sraith léaráidí a bhfuil an seans ann gur úsáideadh iad i bhfoilsiú ghearrscéalta Phádraig Mhic Phiarais ‘Íosagán agus Scéalta Eile’ [1930í-1950í?]. Áirítear léi chomh maith foshraith a bhaineann le hIrisí agus Nuachtáin a bhfuil ábhar ann nach é CnaG a d’fhoilsigh é.

Baineann an tsraith seo le féilte agus le hócáidí comórtha Chonradh na Gaeilge (CnaG), a n-áirítear léi imeachtaí chun 50, 75 agus 100 bliain ó bunaíodh CnaG a chomóradh; féilte ceoil agus damhsa in Éirinn agus thar lear; ceolchoirmeacha; comórtais agus gradaim. San áireamh leis an ábhar seo tá cláir; comhfhreagras; ábhar fógraíochta; agus gearrthóga nuachtáin.

Tá ábhar san fho-fhoshraith seo in ord croineolaíoch i dtréimhsí deich mbliana seachas G60/16/2/1/3 a chuimsíonn an tréimhse 1920-1939 agus G60/16/2/1/9 a chuimsíonn an tréimhse 1990-2009.

San fhoshraith seo tá ábhar a bhaineann le féilte éagsúla Ceoil agus Damhsa Chonradh na Gaeilge, agus tá sé roinnte arís in dhá fho-fhoshraith: G60/16/2/1 Féilte Chonradh na Gaeilge in Éirinn agus G60/16/2/2 Féilte Chonradh na Gaeilge thar lear.

Tá ábhar sna fo-fhoshraitheanna sin in ord croineolaíoch agus tá cláir, bileoigíní, póstaeir, comhfhreagras, miontuairiscí agus grianghraif san áireamh iontu.

Baineann ábhar san fhoshraith seo, lena n-áirítear cláir, póstaeir, bileoigíní, gearrthóga agus comhfhreagras, le féilte Ceilteacha (nach mbaineann le Conradh na Gaeilge) in Éirinn agus thar lear agus tá sé in ord croineolaíoch sna fo-fhoshraitheanna agus comhaid faoi seach.

San fho-fhoshraith G60/17/2/1 tá naoi gcomhad ina bhfuil ábhar a bhaineann leis an bhféile Pan-Cheilteach agus tá comhfhreagras, tuairiscí, bileoigíní, gearrthóga, miontuairiscí agus cláir ann. Cuimsíonn G60/17/2/2 ábhar a bhaineann le Féile Náisiúnta Mòd in Albain. Cuimsíonn G60/17/2/3 agus G60/17/2/4 ábhar a bhaineann le dhá fhéile Bhreatnacha, Scriff agus Eisteddfod faoi seach. Sa chomhad deiridh den fhoshraith seo, G60/17/2/5, tá ábhar a bhaineann le féilte Ceilteacha in áiteanna eile lena n-áirítear Lorient, an Bhriotáin, an Fhrainc agus Interkelt, Stáit Aontaithe Mheiriceá.