Baineann an tsraith seo le Conradh na Gaeilge (CnaG) féin, lena struchtúr, a bhunreacht, a pholasaithe agus pleananna oibre, agus cuimsítear léi tuarascálacha bliantúla, ábhar a bhaineann leis na foirgnimh éagsúla in úinéireacht CnaG agus ábhar a bhaineann leis “An Fáinne”, ar clár teastasaithe a reáchtáil CnaG é.

Tag / Ref: G60/17/2/1

Baineann an tsraith seo le páipéir Ghiolla Chríost Uí Bhroin. Christopher a tugadh air nuair a rugadh é, ach thug sé an t-ainm Giolla Chríost air féin nuair a chuaigh sé isteach i gConradh na Gaeilge in 1893/94. Fuair sé post le CnaG in 1908 mar eagraí don Mhí, an Iarmhí, an Cabhán agus Longfort; bhí sé páirteach i gcomórtais amhránaíochta, damhsa agus drámaíochta an Oireachtais agus d’eagraigh sé go leor féilte agus ceolchoirmeacha. Bhí sé ina rúnaí ar Choiste Ceantair Bhaile Átha Cliath an Chonartha sna 1920í, ina mhúinteoir san Ard-Chraobh ó na 1920í go dtí na 1950í agus ina uachtarán ar an Oireachtas in 1958. Stóráladh a chuid páipéar i gcás leathair a raibh ceannlitreacha a ainm greanta air agus is é a bhí ann go príomha ná lámhscríbhinní agus scríbhinní clóscríofa, a n-áirítear leis roinnt dá chuid drámaí féin mar aon le nodaireacht cheoil.

Is éard atá san fhoshraith seo ábhar a bhaineann le hoideachas Bunscoile lena n-áirítear Gaelscoileanna (scoileanna a mhúineann trí Ghaeilge). Tá an fho-fhoshraith G60/30/7/1 ann ina bhfuil miontuairiscí, comhfhreagras agus ábhar eile a bhaineann leis an eagraíocht “Gaelscoileanna” a dhéanann ionadaíocht ar na scoileanna Gaeilge seo agus an fho-fhoshraith G60/30/7/2 a bhaineann le hachomhairc náisiúnta ar mhaoiniú agus aitheantas do Ghaelscoileanna agus ba chomhfheachtas é de chuid Chonradh na Gaeilge agus “Gaelscoileanna”. Cuimsíonn sé freisin comhfhreagras leis an Aire Oideachais, Niamh Breathnach.

San fhoshraith seo, tá nótaí taighde, comhfhreagras, grianghraif, gearrthóga nuachtáin agus ábhar eile a bhaineann le stair agus le hobair Chonradh na Gaeilge i Londain a cuireadh i dtoll a chéile do leabhar Uí Shúilleabháin, "Conradh na Gaeilge i Londain 1894 – 1917” a foilsíodh in 1989.

(Chaith Ó Súilleabháin roinnt blianta i Londain sna 1930í agus 1940í agus bhí sé ina bhall d’Ard-Choiste Chonradh na Gaeilge i Londain. Tá a chead taistil ar fáil in G60/24/11/3).

Baineann an t-ábhar sa chomhad seo leis an Language Freedom Movement (LFM) agus san áireamh ann tá comhfhreagras, miontuairiscí, tuairiscí, grianghraif agus bileoigíní. Eagraíocht pholaitiúil a bunaíodh in 1966 a bhí inti a chuir i gcoinne gnéithe faoi leith d’fheachtas an Stáit chun an Ghaeilge a athbheochan i bPoblacht na hÉireann.

Baineann an t-ábhar san fhoshraith seo le hirisleabhair agus le nuachtáin éagsúla Ghaeilge, a d'fhoilsigh Conradh na Gaeilge den chuid is mó. Tá sé in ord aibítre bunaithe ar theideal an fhoilseacháin agus tá comhfhreagras, grianghraif agus samhlacha réamhphriontála leis. I measc na bhfoilseachán tá An Claidheamh Solais, Comhar, Feasta, Foinse, Guth na nGaedheal, Irisleabhar na Gaedhilge, Lá agus ROSC.

Baineann ábhar san fhoshraith seo le himeachtaí éagsúla a d'eagraigh Conradh na Gaeilge, cuimsíonn sé comhfhreagras, cláir, ailt agus grianghraif agus tá sé in ord croineolaíoch.

I measc na n-imeachtaí a chuimsítear tá an dinnéar bliantúil agus cabaret, 1962, agus an oilithreacht Náisiúnta go Cruach Phádraig, 1963 (G60/16/5/1); An Tionól – Rinn Mhic Ghormáin, 1966 (G60/16/5/2); dinnéar do chomóradh céad bliain Chonradh na Gaeilge (Dinnéar an Chéid), 1993 (G60/16/5/3); seimineáir éagsúla (G60/16/5/4); seoladh an nóta nua 50 punt ar a raibh pictiúr de Dhubhghlas na hÍde, 1995 (G60/16/5/5 agus G60/16/5/6) agus an chéad mhórfhéasta d’Fhondúireacht Dhubhghlas na hÍde, 2019 (G60/16/5/7).

Baineann ábhar san fhoshraith seo le himeachtaí comórtha éagsúla de chuid Chonradh na Gaeilge agus san áireamh ann tá comhfhreagras, miontuairiscí, grianghraif, preaseisiúintí, póstaeir agus baill éadaigh cosúil le suaitheantais éadaigh.

Baineann ábhar sa chomhad seo leis na himeachtaí oíche Shathairn sa chlub agus tá grianghraif bhannaí, táillí agus beathaisnéisí ann.