Showing 46713 results

Baineann ábhar san fhoshraith seo le haighneachtaí Chonradh na Gaeilge chuig dreamanna éagsúla maidir le hoideachas in Éirinn agus tá comhfhreagras, miontuairiscí, comhfhreagras agus preasráitis ann.

Tá ábhar sa chomhad seo a bhaineann le haighneacht an INTO chuig an bhFóram Síochána agus Athmhuintiris, freagra Chonradh na Gaeilge air agus aighneachtaí an Chonartha féin chuig an bhfóram. Tá ábhar ann freisin a bhaineann lena n-aighneacht chuig Fóram Nua-Éireann, 1983.

Is éard atá sa chomhad seo ábhar a bhaineann le haighneachtaí Chonradh na Gaeilge ar oideachas sna 1990idí, ar na Páipéir Ghlasa agus Bhána ar Oideachas 1990-1995. Tá miontuairiscí de choiste Oideachais Chonradh na Gaeilge 1990-1993, preasráitis, tuarascálacha agus comhfhreagras sa chomhad.

Is éard atá sa chomhad seo ábhar a bhaineann le haighneachtaí Chonradh na Gaeilge ar oideachas 4/7/1978 - 12/3/1985. Tá a n-aighneacht ar "na hAoiseanna Foghlama", plé ar aois iontrála sa chóras oideachais, aois an aistrithe ag leibhéil ina dhiaidh sin agus athstruchtúrú na hearnála iar-bhunscoile Meitheamh/Iúil, 1984 agus a n-aighneacht chuig an mBord Curaclaim agus Scrúduithe Deireadh Fómhair 1984 - 12/3/1985 san áireamh ann.

Sa chomhad seo tá fótachóipeanna den cheol agus liricí d’Aifreann Shéamuis Purcell.

Is éard atá sa chomhad seo comhfhreagras le hAer Lingus agus áirítear ann ceist faoin gcaoi ar baisteadh an t-ainm sin air, agus ábhar faoin úsáid a bhaineann an aerlíne agus na píolótaí as an nGaeilge. Tá comhfhreagras ann freisin leis an Roinn Tionscail agus Tráchtála agus lena n-aturnaetha féin a bhaineann le "Ceist an Bhunreachta agus na gCúpón Artola" (foirmeacha iarratais i nGaeilge a bheith ar fáil le haghaidh cártaí ciondála artola) agus comhfhreagras le hAer Rianta maidir le comharthaíocht agus málaí siopadóireachta dátheangacha. Fuarthas an t-ábhar atá sa chomhad seo ach nach mbaineann le hAer Lingus in éineacht leis an ábhar sin agus coinníodh leis é ar mhaithe leis an leagan amach atá ar an ábhar a choinneáil.

Baineann an t-ábhar san fhoshraith seo le hAchtanna Rialtais agus le hionstraimí reachtúla. San fho-fhoshraith G60/26/6/1 tá aighneachtaí agus comhfhreagras a bhaineann le Grúpa Oibre ar Choimisiún Cúirte. Baineann G60/26/6/2 le hAcht na gCara Cumann. Tá an t-ábhar sna fo-fhoshraitheanna G60/26/6/3 go G60/26/6/9 in ord croineolaíoch agus é eagraithe i dtréimhsí deich mbliana.

Is éard atá sa chomhad seo ábhar a thacaíonn le hachomhairc chaidreamh poiblí ar son na Gaeilge sna 1950idí agus sna 1960idí nuair a bhí drochmheon i leith na teanga agus na gcainteoirí Gaeilge, agus tá pointí cainte ann chun miotais éagsúla faoin teanga a bhréagnú. Bhronn Maolsheachlainn Ó Caollaí cuid den ábhar seo ar Chonradh an Gaeilge in 2018 agus tá roinnt nótaí uaidh san áireamh.

Baineann an fo-fhoshraith seo le hachomhairc náisiúnta ar mhaoiniú agus aitheantas do Ghaelscoileanna (ba chomhfheachtas é de chuid Chonradh na Gaeilge agus “Gaelscoileanna”). Cuimsíonn sé freisin comhfhrea gras leis an Aire Oideachais, Niamh Breathnach.

Ábhar atá san fho-fhoshraith seo ar baineadh úsáid as chun an Ghaeilge a mhúineadh agus a fhoghlaim, lena n-áirítear téacsleabhair, cleachtaí teanga agus ábhar cúrsa eile. Áirítear leis fo-fho-fhoshraith, “Abairt an Lae”, ar leabhair ghearrthóg atá ann ina bhfuil gearrthóga ón tsraith frásaí Gaeilge (frásaí Glg an t-aonad nach hea?) “Abairt an Lae” a foilsíodh ar bhonn laethúil/seachtainiúil sna nuachtáin náisiúnta