Showing 36517 results

Is éard atá sa chomhad seo ábhar ó na 2000idí a bhaineann le polasaithe Gaeilge pháirtí an Lucht Oibre, agus úsáid na Gaeilge in ábhar poiblíochta toghcháin. Áirítear ann liosta de urlabhraithe pháirtí an Lucht Oibre; litir ó Chonradh na Gaeilge chuig Pat Rabbitte, ceannaire pháirtí an Lucht Oibre, ag éileamh soiléireachta ar pholasaí teanga an Lucht Oibre i bhfianaise a raibh le rá ag Brian Ó Sé, TD, faoi gur cheart go mbeadh sí ar an leibhéal céanna le teangacha dídeanaithe.

Is éard atá sa chomhad seo ábhar a bhaineann le polasaithe Gaeilge Pháirtí na nOibrithe, agus úsáid na Gaeilge in ábhar poiblíochta toghcháin. “Sinn Féin, Páirtí na nOibrithe/SFWP” mar a thugtaí air freisin.

[Nóta ón gCartlannaí: Bunaíodh páirtí bunaidh Shinn Féin in 1905, agus tharla scoilt in 1970 tar éis deighilt laistigh den pháirtí, agus bhí an páirtí nua seo ar an ngrúpa ba mhó. I ndiaidh na scoilte, tugadh “Sinn Féin (Plás Ghairdinéir)” nó “Sinn Féin Oifigiúil” ar an bpáirtí, agus athraíodh an t-ainm arís in 1977 go “Sinn Féin – Páirtí na nOibrithe”, agus ansin go “Páirtí na nOibrithe” in 1982.]

Baineann an t-ábhar san fhoshraith seo le páirtithe polaitíochta éagsúla agus áirítear ann comhfhreagras, preasráitis, bileoigíní, paimfléid, ábhar poiblíochta agus ábhar a bhaineann le polasaithe Gaeilge. Cuimsítear páirtithe Fhianna Fáil, Fhine Gael, an Lucht Oibre agus Shinn Féin sna chéad cheithre fho-fhoshraith faoi seach, agus sna trí chomhad deiridh cuimsítear Páirtí na nOibrithe (G60/38/1/5), an Comhaontas Glas, an Clé Daonlathach, an Páirtí Daonlathach agus Iarrthóirí neamhspleácha (G60/38/1/6), an Páirtí Sóisialach Poblachtach, Páirtí Cumannach na hÉireann agus Páirtí Sóisialta agus Daonlathach an Lucht Oibre (SDLP) (G60/38/1/7). Tá an t-ábhar i ngach fo-fhoshraith/comhad in ord croineolaíoch.

Is éard atá sa chomhad seo gearrthóga a bhaineann le páirtithe polaitíochta.

Is éard atá sa chomhad seo gearrtháin a bhaineann le páirtithe polaitíochta.

Baineann an tsraith seo le páirtithe polaitiúla éagsúla in Éirinn agus a n-úsáid agus a bpolasaithe i leith na Gaeilge, forógraí toghcháin maidir leis an nGaeilge, agus Éire agus áit na Gaeilge san Eoraip. Cuimsíonn sé tuairiscí, comhfhreagras, gearrthóga, paimfléid, leabhráin agus bileoigíní.

Tag / Ref: G60/17/2/1

Cuimsíonn ábhar sa chomhad seo comhfhreagras a bhaineann le huacht Patrick Cole (nach maireann as an Airgintín) a d’fhág 1000 pesos ag CnaG (17/06/1935-12/07/1935); ábhar a bhaineann le "hUacht an Mhaolánaigh” 27/07/1936-06/12/1937; ábhar a bhaineann leis an Máirtíneach [Edward Martyn] 15/04/1928-07/1937 agus tá cóipeanna dá uacht deireanach 1923, 1924 (cóipeáladh in 1936); ábhar a bhaineann le huacht Mháiréad Ní Riain (1943); ábhar a bhaineann le síntiúis chuig CnaG lena n-áirítear seiceanna; ráiteas finné dlíthiúil ó Dhubhghlas de hÍde ag fágáil tí ag an gConradh 27/03/1946 agus litir ó rúnaí CnaG chuig An Seabhac maidir leis agus ábhar a bhaineann le scéim eastáit John Conor May 18/12/1930.

Baineann an comhad seo le gearrtháin faoi philéir phlaisteacha a bheith á n-úsáid ag Arm na Breataine.

Foclóir pearsanta lámhscríofa, b'fhéidir go déanach san 18ú haois. Tugadh é do Ernest Reginald McClintock Dix in 1909 agus tugadh é do leabharlann CnaG ina dhiaidh sin; 4 phrionta feistithe le Elizabeth Rivers: "Loading Cattle for the Galway Fair", "Hauling Turf from the Quay", "At the Celidhe", "Interval in the Celidhe".