Baineann an t-ábhar san fhoshraith seo le buaiteoirí chomórtais éagsúla an Oireachtais agus áirítear leis liosta na mbuaiteoirí, marcanna na moltóirí, na hiontrálacha do na comórtais litríochta agus ceoil a bhain duaiseanna mar aon le nótaí faoi roinnt de na buaiteoirí.
Is éard atá i gceist leis an bhfoshraith seo comhfhreagras, foirmeacha iarratais, iarratais, bileoigíní, paimfléid agus póstaeir a bhaineann le Lingua, ar tionscadal de chuid an Chomhphobail Eorpaigh é a thug spreagadh do mhuintir na hEorpa teangacha a chéile a fhoghlaim agus a chuir maoiniú ar fáil d’eagraíochtaí a rinne éascaíocht d’fhoghlaim a dteanga lasmuigh dá dtír féin.
Baineann ábhar san fhoshraith seo le taispeántais éagsúla a chuir Conradh na Gaeilge ar siúl, agus tá cuid de na míreanna ó na himeachtaí sin ann.
Baineann an t-ábhar san fhoshraith seo le haithisc thosaigh, óráidí, seimineáir agus léachtaí a tugadh ag comórtas bliantúil an Oireachtais agus áirítear leis "Feallsamhnacht na Náisiúntachta & Cuspóir na Gaedhilge" leis an Athair Feidhlim Ó Briain, Oireachtas 1942 (G60/14/11/1) agus "Éiric na hÉisimirce" leis an Athair Athanáis Ó Gibealláin, Oireachtas 1968 (G60/14/11/3).
Is éard atá sa chomhad seo ábhar a bhaineann leis an tsraith Léachtaí na Mílaoise, lena n-áirítear beathaisnéisí, comhfhreagras, bileoigíní agus cóipeanna de na léachtaí iad féin.
Is éard atá sa chomhad seo paimfléid agus ábhar eile a bhaineann le deireadh seachtaine bliantúil a reáchtáil Coiste Dúiche Chonradh na Gaeilge, Tiobraid Árann ó 1983-1993. Áirítear ann leaganacha clóite de chuid de na léachtaí.
Sa chomhad seo tá miontuairiscí, gearrtháin agus cáipéisí eile a bhaineann le Leabharlann Chonradh na Gaeilge lena n-áirítear liostaí nuashealbhúcháin leabharlainne agus “Scéim na Leabhar do Pháistí”.
Leabhar ollmhór a bhfuil ceangal leathair air le fáisceáin mhiotail “Leabhar na gCraobh” (40í, 50í)