Baineann ábhar sa chomhad seo le hoideachas tríú leibhéal sa tréimhse 1980-1989. Tá comhfhreagras, preasráitis agus Bille Ollscoil Luimnigh 1989 ann.
Baineann ábhar sa chomhad seo le hoideachas tríú leibhéal sa tréimhse 1990-1999. Tá comhfhreagras, suirbhéanna, preasráitis agus gearrthóga nuachtáin ann.
Baineann ábhar sa chomhad seo le hoideachas tríú leibhéal sa tréimhse 2000-2007 agus áirítear ann comhfhreagras, pleananna forbartha agus straitéisí, aighneachtaí, leabhrán eolais ar chúrsaí Gaeilge 3ú leibhéal, seimineáir agus gearrthóga nuachtáin.
Baineann ábhar san fhoshraith seo le hoideachas ag an Tríú Leibhéal agus tá sé in ord croineolaíoch nuair ab féidir.
Is éard atá san fhoshraith seo ábhar a bhaineann le hoideachas réamhscoile trí Ghaeilge agus tá sé roinnte i 4 bhfo-fhoshraith agus comhad: Na Naíonraí Gaelacha (G60/30/6/1); Na Naíscoileanna Gaelacha (seans roimh Na Naíonraí Gaelacha) (G60/30/6/2); An Comhchoiste Réamhscolaíochta Teo. (G60/30/6/3) agus ábhar a bhaineann le haighneacht ó Fhorbairt Naíonraí Teoranta "I dTreo Creata don Luathfhoghlaim" agus a dtuarascáil bhliantúil 2003-2004.
Is éard atá san fhoshraith seo ábhar a bhaineann leis an gcóras oideachais i dTuaisceart Éireann, athchóiriú an chórais sin, agus an seasamh a bhí ag an nGaeilge laistigh de; áirítear ann comhfhreagras, preasráitis, tuarascálacha agus gearrthóga. Áirítear ann chomh maith ábhar a bhaineann go sonrach le Scoil Bhéal Feirste (G60/37/4/2); Gaelscoil na bhFál (G60/37/4/3) agus Meánscoil Feirste (G60/37/4/4). Áirítear sa chomhad deiridh chomh maith rún ó Chomhairle Chathair Pittsburgh ag tacú le hiarrachtaí Chonradh na Gaeilge in Pittsburgh airgead a bhailiú le cothabháil a dhéanamh ar an scoil agus ag iarraidh aird a tharraingt "to the meanspirited refusal of state support of the school by the British Government", 21 Márta 1995.
Cuimsíonn an fhoshraith seo ábhar a bhaineann le hoideachas Meánscoile agus tá miontuairiscí, páipéir scrúdaithe agus torthaí, tuarascálacha, comhfhreagras, gearrthóga agus ciorcláin san áireamh ann. Tá sé in ord croineolaíoch agus tá sé roinnte i bhfo-fhoshraith amháin agus 7 gcomhad eile.
Is éard atá san fhoshraith seo ábhar a bhaineann le hoideachas Bunscoile lena n-áirítear Gaelscoileanna (scoileanna a mhúineann trí Ghaeilge). Tá an fho-fhoshraith G60/30/7/1 ann ina bhfuil miontuairiscí, comhfhreagras agus ábhar eile a bhaineann leis an eagraíocht “Gaelscoileanna” a dhéanann ionadaíocht ar na scoileanna Gaeilge seo agus an fho-fhoshraith G60/30/7/2 a bhaineann le hachomhairc náisiúnta ar mhaoiniú agus aitheantas do Ghaelscoileanna agus ba chomhfheachtas é de chuid Chonradh na Gaeilge agus “Gaelscoileanna”. Cuimsíonn sé freisin comhfhreagras leis an Aire Oideachais, Niamh Breathnach.
Is éard atá san fhoshraith seo ábhar a bhaineann le hoideachas aosach. Tá páipéir scrúdaithe sa chéad cheann de dhá chomhad lena n-áirítear scrúdú chun tástáil a dhéanamh ar an nGaeilge mar theanga iasachta, eolaire d’Fhoghlaimeoirí Fásta Gaeilge agus ábhar a bhaineann leis an Teastas Eorpach i nGaeilge, OÉ Maigh Nuad. Baineann ábhar sa dara comhad (G60/30/11/2) le hAontas, (an Cumann Náisiúnta um Oideachas Aosach) lena n-áirítear miontuairiscí, comhfhreagras agus gearrthóga.
Baineann an tsraith seo le hoideachas in Éirinn agus cuimsítear léi raon leathan topaicí, a n-áirítear leo na cinn seo a leanas: polasaithe oideachais; curaclaim éagsúla; an Bille Oideachais; Ceardchumainn na Múinteoirí, Eagraíochtaí na Múinteoirí agus Oiliúint Múinteoirí; oideachas sna scoileanna ón réamhscoil go dtí an tríú leibhéal; oideachas aosach; Gaelscoileanna agus coláistí Gaeilge. I measc na n-ábhar tá tuairiscí, aighneachtaí a rinne CnaG leis an Roinn Oideachais; preasráitis, gearrthóga preasa agus comhfhreagras.