Baineann an t-ábhar san fho-fhoshraith seo le hUachtarán na hÉireann agus/nó lena (h)oifig. Comhfhreagras den chuid is mó atá sa chéad chomhad (G60/39/1/1/1) agus áirítear leis dhá chárta Nollaig ón Uachtarán Éamon de Valera ó 1967, 1969; litir ó Chearbhall Ó Dálaigh ina bhfuil nóta lámhscríofa ag déanamh comhghairdeas leis an bhfaighteoir as an obair a bhí ar bun ag Conradh na Gaeilge (15 Eanáir 1975); aighneacht a cuireadh faoi bhráid an Uachtaráin, Pádraig Ó hIrghile, maidir le géarchéim na Gaeilge (12 Lúnasa 1984); ábhar maidir le Gaisce an Uachtaráin (Gradaim an Uachtaráin) mar aon le comhfhreagras leis an Uachtarán Mhic Róibín, a n-áirítear leis sin comhfhreagras i ndáil lena haitheasc do Thithe an Oireachtais (2 Feabhra 1995). Gearrthóga ó na 1970í agus 1980í maidir le hUachtarán na hÉireann, agus le ról an Uachtaráin, atá sa dara comhad (G60/39/1/1/2).
Baineann ábhar san fho-fhoshraith seo le toghchán Uachtaránachta na hÉireann (G60/38/3/3/1), toghcháin an tSeanaid (G60/38/3/3/2), olltoghcháin (G60/38/3/3/3) agus toghcháin Eorpacha (G60/38/3/3/4), lena n-áirítear stádas na Gaeilge mar a bhaineann sé leis na toghcháin seo. Tá an t-ábhar in ord croineolaíoch.
Baineann ábhar san fho-fhoshraith seo le holltoghcháin agus le toghcháin an tSeanaid agus le stádas agus áit na Gaeilge agus tá na 9 gcomhad in ord croineolaíoch. Áirítear leis comhfhreagras, preasráitis, tuarascálacha, forógraí páirtí, gearrthóga, bileoigíní agus póstaeir. Baineann an comhad deiridh le toghcháin Eorpacha ar leith agus tá roinnt póstaeir ollmhóra ann ag ceiliúradh Lá na hEorpa 1986 agus ag cur fáilte roimh an nGréig isteach san Aontas Eorpach in 1981.
Baineann ábhar san fho-fhoshraith seo le toghcháin an tSeanaid (G60/38/3/1/1) agus le toghcháin Eorpacha (G60/38/3/1/2) agus le stádas na Gaeilge agus le dearcthaí i leith na Gaeilge, chearta na Gaeilge agus na Gaeltachta. Cuimsítear i gcomhad deiridh na fo-fhoshraithe seo tuairiscí ar thorthaí agus ar aistriú vótaí in olltoghcháin éagsúla agus i dtoghcháin an tSeanaid sna 1970idí (G60/38/3/1/3).
Baineann an t-ábhar san fho-fhoshraith seo le dhá theach an Oireachtais: Dáil Éireann (Teacht na dTeachtaí) agus Seanad Éireann. Tá comhfhreagras sa chéad chomhad maidir le hAchtanna Toghcháin éagsúla an tSeanaid mar aon le haighneachtaí a cuireadh faoi bhráid teachtaí Dála éagsúla. Fillteán a bhfuil an lipéad “An Comhchoiste don Ghaeilge ag Tithe an Oireachtas” air atá sa dara comhad, agus áirítear leis tuairisc, comhfhreagras agus gearrthóga nuachtáin ón tréimhse 14 Deireadh Fómhair 1985 go dtí 29 Feabhra 1988.
San fho-fhoshraith seo, tá comhfhreagras, leabhráin, bróisiúir agus ábhar eile a bhaineann le díorthú téarmaí i nGaeilge, agus tá ord croineolaíoch curtha uirthi nuair is féidir agus nuair is cuí. Tá leabhráin arna bhfoilsiú ag an Roinn Oideachais sa chéad chomhad ina liostaítear téarmaí a bhaineann le topaicí éagsúla cosúil le ceol, miotalóireacht, adhmadóireacht, maintíneacht agus spórt. Comhfhreagras le Coiste Téarmaíochta na Gaeilge atá sa dara comhad agus áirítear leis bróisiúir agus liostaí téarmaí don fhicheall, síceolaíocht, snámh agus peil Ghaelach.
Tá ábhar san fho-fhoshraith seo a bhaineann le scoileanna teanga éagsúla, tá ord croineolaíoch air nuair is féidir agus nuair is cuí, agus áirítear leis bileoigíní, comhfhreagras, preaseisiúintí, ábhar cúrsa, foirmeacha clárúcháin bána, foirmeacha aiseolais agus ábhar a bhaineann le tairiscintí a rinneadh chun ranganna Gaeilge a reáchtáil.